राजनांदगांव : राजनांदगांव जिला के सोमनी थाना क्षेत्र ले एक ठन सनसनीखेज खबर आघू आवत हे। आज दिनांक 30.03.2026 के सोमनी शराब भट्टी के पास, सोमनी ले सांकरा जाय वाला रद्दा के किनारे एक अज्ञात पुरुष के लास (शव) मिले हे। पुलिस हा शव ला अपन कब्ज़ा म लेके ओकर सिनाख्ती (पहचान) बर आम जनता ले मदद के गुहार लगाए हे।
अज्ञात शव के हुलिया अउ पहिरावा :
राजनांदगांव पुलिस डहर ले जारी सूचना के मुताबिक, मृतक के जानकारी अइसन हे :
- उमर : लगभग 35 ले 40 साल के बीच।
- हुलिया : मृतक हा पातर-दुब्बर अउ सांवला रंग के हे।
- पहिरावा : वोहा करिया अउ सफेद रंग के चेक वाला फुल शर्ट, अउ भूरा रंग के हाफ चड्डा पहिरे हे।
पुलिस ले इहाँ करव संपर्क :
राजनांदगांव पुलिस हा अपील करे हे कि अगर कोनो भी झन ये मनखे ला पहचानत हें या एकर बारे म कोनो भी जानकारी हे, त वो मन तुरंत नीचे दे गे नंबर मन म सूचना देवें :
- राजनांदगांव पुलिस : 9479192199
- प्रभारी निरीक्षक, थाना सोमनी : 94791-92115
- प्रभारी निरीक्षक, थाना साइबर : 90984-71074
- प्रधान आरक्षक, थाना सोमनी : 94792-45473
अपन 'छुरिया टाइम्स' के जम्मो पाठक मन ले निवेदन हे कि ये खबर ला जादा ले जादा शेयर करव ताकि मृतक के परिवार वाले मन तक जानकारी पहुँच सके।
🔔 मोनेश कुमार छुरिया टाइम्स 🔔